ຫຸ່ນງາມ ສຸຂະພາບດີ ເຄັດລັບງ່າຍໆ ທີ່ສາວໆ ຫ້າມພາດ !!!

ຫຸ່ນງາມ ສຸຂະພາບດີ ເຄັດລັບງ່າຍໆ ທີ່ສາວໆ ຫ້າມພາດເດີ້..ຈຣາາາ

1. ໃສ່ໃຈກັບທຸກຄາບອາຫານ
ເຮົາຄວນໃສ່ໃຈກັບຄາບອາຫານຫຼາຍເປັນພິເສດ ບໍ່ວ່າຈະເປັນຄາບຫຼັກ ຫຼື ຄາບອາຫານວ່າງກໍ່ຕາມ ໂດຍຄວນເລືອກອາຫານທີ່່ມີປະໂຫຍດ ຫຼີກລ້ຽງຂອງມັນ ຂອງຫວານ ນ້ຳຕານສູງ ເນັ້ນຜັກ ແລະຊີ້ນປາເປັນຫລັກ ພຽງເທົ່ານີ້ຄວາມຕຸ້ຍກໍ່ບໍ່ກ້າຖາມຫາແລ້ວ

2. ອອກກຳລັງກາຍຢ່າງສະໝ່ຳສະເໝີ
ຢາກມີຫຸ່ນງາມພ້ອມກັັບຮ່າງກາຍທີ່ແຂງແຮງ ກໍ່ໍຕ້ອງໝັ່ນອອກກຳລັງກາຍຢູ່ສະເໝີ ໂດຍສະເພາະຍາມເຊົ້າ ເພາະການອອກກຳລັງກາຍຕອນເຊົ້ານັ້ນຈະຊ່ວຍເລັ່ງການເຜົາຜານໄຂມັນໃຫ້ການເຮັດວຽກດີຂຶ້ນຕະຫຼອດມື້ ແລະ ຖ້າຍິ່ງເຮັດຄູ່ກັບການຄວບຄຸມອາຫານຢ່າງເຄັ່ງຄັດແລ້ວ ທ່ານຈະມີຫຸ່ນງາມເພີເຟັກໄດ້ຢ່າງບໍ່ຍາກ

3. ນ້ຳອັດລົມ
ເພາະນ້ຳອັດລົມເປັນຕົວການຫຼັກຂອງຄວາມຕຸ້ຍ ຈຶ່ງຄວນຫຼີກລ້ຽງການດື່ມນ້ຳອັດລົນຢ່າງເດັດຂາດ ເຖິງວ່າຈະເປັນນ້ຳອັດລົມທີ່ໃຊ້ສານຄວາມຫວານແທນນ້ຳຕານແທ້ກໍ່ຕາມ ເພາະສະນັ້ນໃຜທີ່ມັກດື່ມນ້ຳອັດລົມຈົນກາຍເປັນຊີວິດຈິດໃຈ ພະຍາຍາມເຊົາໃຫ້ໄດ້ຢ່າງເດັດຂາດຈະດີທີ່ສຸດ ໂດຍປ່ຽນມາດື່ມນ້ຳລ້າ ຫຼື ນ້ຳໝາກໄມ້ທີ່ມີປະໂຫຍດທົດແທນຈະດີກວ່າ

4.ຫຼຸດປະລິມານອາຫານແທນການອົດອາຫານ
ຢາກມີຫຸ່ນງາມພຽງໃດ ກໍ່ບໍ່ຄວນອົດອາຫານເປັນອັນຂາດ ເພາະເມື່ອເຮົາອົດອາຫານ ຈະເຮັດໃຫ້ຮ່າງກາຍເຮົາສະແດງຄວາມຫິວອອກມາເລື້ອຍໆ ຫຼາຍຂຶ້ນ ແລະ ແນ່ນອນວ່າຫາກທົນບໍ່ໄຫວ ທ່ານກໍ່ອາດຈະຫຼົງໄປກິນອາຫານໃນຄາບຕໍ່ໄປຫຼາຍເກີນ ຈົນເປັນສາເຫດໃຫ້ຄວາມຕຸ້ຍຖາມຫາໄດ້ໃນທີ່ສຸດ ອີກທັງຍັງສົ່ງຜົນເສຍຕໍ່ສຸຂະພາບອີກດ້ວຍ ເພາະສະນັ້ນຈົ່ງເລືອກວິທີຫຼຸດປະລິມານ ແລະ ເນັ້ນຜັກໃຫ້ຫຼາຍໆ ແທນການອົດອາຫານດີກວ່າ ຮັບຮອງໄດ້ຫຸ່ນດີ ຫຸ່ນງາມ ສຸຂະພາບດີຄວບຄູ່ກັນແນ່ນອນ

5. ອົດທົນຫຼາຍໆ
ສຸດທ້າຍກໍໍຄື ຄວາມອົດທົນ ເພາະພຽງແຕ່ມີຄວາມອົດທົນຈັກໜ້ອຍ ບໍ່ວ່າອາຫານຈະເປັນຕາແຊບຫຼາຍປານໃດກໍ່ຕາມ ທ່ານກໍ່ສາມາດເອົາຊະນະມັນໄດ້ ຢ່າງແນ່ນອນ ທີ່ສຳຄັນຄວນຫຼີກລ້ຽງການດື່ມເຄື່ອງດື່ມທີ່ມີແອລກໍຮໍທຸກຊະນິດ ເຖິງຈະມີແອລກໍຮໍໜ້ອຍດຽວກໍ່ຕາມ ເພາະເຄື່ອງດື່ມເຫຼົ່ານີ້ລ້ວນແຕ່ເປັນຕົວການຂອງຄວາມຕຸ້ຍທັ້ງໝົດ

ແລະ ນີ້ຄື ເຄັດລັບການຫຼຸດນ້ຳໜັັກ 5 ຂໍ້ທີ່ຢາກໃຫ້ສາວໆ ນຳໄປເຮັດເປັນປະຈຳ ຢາກມີຫຸ່ນງາມ ແລະ ສຸຂະພາບດີໃນເວລາດຽວກັນ ພຽງເຮັດຕາມນີ້  ບອກເລີຍບໍ່ມີຜິດຫວັງ

ຂໍຂອບໃຈ
Sanook Muan

ວິທີການລ້ຽງລູກໃຫ້ດີ ແລະ ສະຫຼຽວສະຫຼາດ

ວິທີການລ້ຽງລູກໃຫ້ດີ ແລະ ສະຫຼຽວສະຫຼາດ

ພໍ່ແມ່ທຸກຄົນລ້ວນແຕ່ຮັກລູກ ຫວັງຢາກໃຫ້ລູກຂອງຕົນເປັນຄົນດີ ສະຫຼາດ ມີສຸຂະພາບແຂງແຮງ ເພື່ອຫວັງເປັນທີ່ເຜຶ່ງຂອງຕົນໃນອນາຄົດໄດ້ຢ່າງພາກພູມໃຈ ວັນນີ້ເຮົາມີ 12 ເຕັກນິກ ວິທີການລ້ຽງລູກໃຫ້ດີ ແລະ ເປັນຄົນສະຫຼູາດມາຝາກກັນ ເຊິ່ງຈະມີແນວໃດນັ້ນ ເຮົາມາອ່ານນຳກັນເລີຍ..ຈຣາາາ

1. ໃຫ້ຄວາມຮັກແກ່ລູກດ້ວຍການສະແດງອອກຢ່າງຊັດເຈນ

2. ຄອບຄົວມີສຸກ ໂດຍພໍ່ແມ່ມີຄວາມຮັກ ແລະ ສາມັກຄີໃນການລ້ຽງ ແລະສອນລູກໄປໃນທິດທາງດຽວກັນ

3. ເຂົ້າໃຈໃນພັດທະນາການຂອງລູກ ປະຕິບັດຕໍ່ລູກໄດ້ຢ່າງຖຶກຕ້ອງ ແລະ ເໝາະສົມ ເຊິ່ງຈະຊ່ວຍພັດທະນາການເປັນຢ່າງດີ

4. ພໍ່ແມ່ຄວນມີສ່ວນຮ່ວມໃນການລ້ຽງລູກໃຫ້ຫຼາຍທີ່ສຸດ ຖ້າພໍ່ແມ່ຕ້ອງເຮັດວຽກທັງຄູ່ ຢ່າງໜ້ອຍຕອນກາງຄືນ ຄວນໃຫ້ເວລາກັບລູກແນ່

5. ສົ່ງເສີມໃຫ້ລູກຮູ້ສຶກວ່າຕົວເອງມີຄຸນຄ່າ ເມື່ອລູກເຮັດດີ ຫຼື ປະສົບຄວາມສຳເລັັດ ພໍ່ແມ່ຕ້ອງຊົມເຊີຍ ເມື່ອລູກທ້ອແທ້ ກໍ່ຄວນໃຫ້ກຳລັງໃຈ

6. ໃຫ້ອິດສະຫຼະ ແລະ ໂອກາດໃນການຕັດສິນໃຈ ຈະຊ່ວຍໃຫ້ລູກມີຄວາມຄິດສ້າງສັນ ກ້າຄິດກ້າເຮັດ ແລະ ບໍ່ພະຍາຍາມບັງຄັບຄວາມຄິດລູກ

7. ສອນລູກໃຫ້ຮັກຕົວເອງ ແລະ ຮັກຄົນອື່ນ ພໍ່ແມ່ຄວນສອນລູກໃຫ້ຮູ້ຈັກການແບ່ງປັນ ແລະມີນ້ຳໃຈຕໍ່ຜູ້ອອື່ນດ້ວຍ

8. ໃຫ້ລູກຮູ້ຈັກຄິດເປັນເຫດ ເປັນຜົນ ໂດຍແນະນຳເລື່ອງທີ່ກ່ຽວຂ້ອງກັບຊີວິດປະຈຳວັນ ເຊັ່ນ ການຊື້ເຄື່ອງຂອງທີ່ມີລາຄາແພງ  ຄວນແນະນຳຢ່າງຖຶກຕ້ອງວ່າເປັນຂອງທີ່ຈຳເປັນ ຫຼື ບໍ່ຈຳເປັນ

9. ສອນລູກໃຫ້ຮູ້ຈັກຫາຄວາມສຸກໃຫ້ຕົວເອງ ໂດຍການເປີດໂອກາດໃຫ້ລູກໄດ້ເຮັດໃນສິ່ງທີ່ມັກ

10. ເປັນແບບຢ່າງທີ່ດີໃຫ້ກັບລູກ ພໍ່ແມ່ເປັນຕັວຍ່າງເຮັດສິ່ງດີໆ ແລ້ວລູກຈະຮຽນຮູ້ໂດຍຕັວເອງ ໃນແບບທີ່ບໍ່ຕ້ອງເວົ້າ ຫຼື ສອນ

11. ຢູ່ໃນກົດລະບຽບທີ່ພໍດີ ພໍ່ແມ່ຄວນແນະນຳສິ່ງທີ່ຄວນ ແລະ ບໍ່ຄວນ ໃຫ້ຢູ່ໃນທິດທາງທີ່ດີ ແລະ ມີຄຸນນະທຳ

12. ການສຶກສາມີສ່ວນສົ່ງຜົນຕໍ່ EQ ຂອງລູກ ດັ່ງນັ້ນ ພໍ່ແມ່ຄວນເຂົ້າໃຈຂະບວນການຮຽນຮູ້ຂອງເດັກນ້ອຍນຳ

ຂໍຂອບໃຈ
Laopost

ສຸດຍອດຫຼາຍໆ 5 ພະຍາດທີ່ນ້ຳລ້າຮັກສາໄດ້

ສຸດຍອດຫຼາຍໆ 5 ພະຍາດທີ່ນ້ຳລ້າຮັກສາໄດ້ເດີ້ ຈຣາາາ

1. ຂັບຖ່າຍບໍ່ສະດວກ
ງ່າຍໆແມ່ນເລີ່ມທີ່ອາການຂັບຖ່າຍບໍ່ສະດວກ ທີ່ໃຜຫຼາຍຄົນຕ້ອງເຄີຍມີປະສົບກັບບັນຫານີ້ມາບໍຫຼາຍກໍ່ນ້ອຍ ສາເຫດຂອງອາການຂັບຖ່າຍບໍ່ສະດວກ ມັກມາຈາກອາຫານການກິນທີ່ເຮົາກິນເຂົ້າໄປ ເຮັດໃຫ້ອາຈົມຂອງເຮົາຂາດຄວາມອ່ອນນຸ່ມ ແລະ ມັນລວມໂຕກັນເປັນກ້ອນແຂງໃຫຍ່ ເຊິ່ງເຮັດໃຫ້ເຮົາຂັບຖ່າຍຍາກລຳບາກ (ຫຼືບໍ່ຂັບຖ່າຍ) ການດື່ມນ້ຳລ້າໃຫ້ຫຼາຍຂຶ້ນ ແມ່ນຈະຊ່ອຍໃຫ້ອາການຂັບຖ່າຍບໍ່ສະດວກຫຼູດລົງໄດ້ຢ່າງແນ່ນອນ ໂດຍສະເພາະການດື່ມນ້ຳອຸ່ນ (ອາດຈະແຊ່ໝາກນາວຝານບາງໆ ລົງໄປໃນຈອກ 1 ປ່ຽງນຳ) ໃນຕອນເຊ້າ ແລະ ດື່ມນ້ຳຕາມຫຼັງຈາກການກິນອາຫານ ໄປຈົນເຖິງນ້ຳລ້າອີກ 1 ຈອກ ກ່ອນນອນ

2. ພະຍາດລິດສີດວງທະວານ  
ຕໍ່ຈາກອາການຂັບຖ່າຍບໍ່ສະດວກແລ້ວ ຖ້າອາຈົມອ່ອນນຸ່ມ ແມ່ນເຮົາຈະບໍ່ເປັນພະຍາດລິດສີດວງທະວານ ເພາະສະນັ້ນ ຫາກບໍ່ຍາກເປັນພະຍາດລິດສີດວງທະວານ ນອກຈາກການເລືອກກິນອາຫານທີ່ມີກາກໃຍອາຫານສູງ ຫຼູດການກິນອາຫານທີ່ມີແປ້ງ ແລະ ໄຂມັນສູງແລ້ວ ຄວນດື່ມນ້ຳລ້າໃຫ້ພຽງພໍໃນແຕ່ລະມື້ພ້ອມ

3. ເຈັບຫົວ
ໃຜທີ່ມີອາການເຈັບຫົວ ຫຼື ເຈັບໄມເກນ ເປັນພະຍາດປະຈຳໂຕຢູ່ແລ້ວ ຖ້າຫາກບໍ່ຍາກມີອາການເຈັບເລື້ອຍໆ ຫຼື ບໍ່ຍາກກິນຢາເລື້ອຍໆ ສາມາດຈິບນ້ຳລ້າດື່ມຫຼິ້ນໄດ້ ຈະຊ່ອຍຫຼູດອາການເຈັບຫົວໄດ້ດີ

4. ຄວາມດັນເລືອດສູງ
ການດື່ມນ້ຳນ້ອຍເກີນໄປ ເຮັດໃຫ້ເລືອດຂອງເຮົາຊ້ນ ເຮັດໃຫ້ລະບົບໄຫຼວຽນເລືອດໃນຮ່າງກາຍເຮັດວຽກໜັກຂຶ້ນໄປພ້ອມ ດັ່ງນັ້ນ ຈຶງເຮັດໃຫຫຼອດເລືອດມີຄວາມດັນຫຼາຍຂຶ້ນ ຈົນອາດເຮັດໃຫ້ຄວາມດັນເລືອດສູງຂຶ້ນ ຫຼື ຄົນທີ່ມີອາການຄວາມດັນເລືອດສູງຢູ່ແລ້ວກໍອາດມີອາການໜັກຂຶ້ນໄດ້ ເພາະສະນັ້ນ ຖ້າຫາກເຮົາດື່ມນ້ຳໃຫ້ພຽງພໍໃນແຕ່ລະມື້ ກໍຈະຊ່ອຍໃຫ້ລະບົບໄຫຼວຽນເລືອດເຮັດວຽກໄດ້ງ່າຍຂຶ້ນ

5. ພະຍາດຕຸ້ຍ
ບໍເຊຶ່ອກໍ່ຕ້ອງເຊື່ອວ່າ ພຮງນ້ຳລ້າທຳມະດາໆ ນີ້ແຫຼະທີ່ຊ່ອຍຫຼູດໂອກາດໃນການເປັນພະຍາດຕຸ້ຍໄດ້ ນອກຈາກນີ້ໄຜທີ່ຕ້ອງການຫຼູດນ້ຳໜັກ ລອງດດື່ມນ້ຳລ້າໃນແຕ່ລະມື້ໃຫ້ຫຼາຍຂຶ້ນ ຈະຊ່ອຍໃຫ້ບໍ່ຫິວເລື້ອຍໆ ແລະ ດື່ມແທນນ້ຳອັດລົມໄປໄດ້ເລີຍ ຈະເພີ່ມຄວາມສົດຊື່ນດ້ວຍການແຊ່ໝາກໄມ້ສົດລົງໄປໃນນ້ຳລ້າພ້ອມກໍໄດ້ ຫຼື ທີ່ເຮົາເອີ້ນວ່າ ຊ່ອຍຫຼູດຄວາມຍາກນ້ຳຫວານຂອງເຮົາໄປໄດ້ຫຼາຍເດີ້ ແພດຍັງແນະນຳວ່າ ໃຜທີ່ເປັນພະຍາດຕຸ້ຍຢູ່ແລ້ວ ລອງດື່ມນ້ຳໃຫ້ໄດ້  2-3 ລິດຕໍ່ມື້ ຄວບຄູ່ໄປກັບການຫຼູດທາດແປ້ງ, ນ້ຳຕານ, ໄຂມັນ ແລະ ອອກກຳລັງກາຍພ້ອມ ຈະຊ່ອຍຫຼູດນ້ຳຫນັກໄດ້ແນ່ນອນ

6. ປວດຂໍ້
ອາການປວດຂໍ້ ມັກມາພ້ອມກັບພະຍາດຕຸ້ຍ ເພາະນ້ຳໜັກໂຕທີ່ຫຼາຍເກີນໄປ ແລະ ນ້ຳໃນຂໍ້ນ້ອຍ ຈຶ່ງເຮັດໃຫ້ຂໍ້ຕ່າງໆ ເຊັ່ນ ຂໍ້ເຂົ່າ ຂໍ້ຕີນ ຂໍ້ໄຫຼ່ ແຫ້ງ ແລະຝືດເຄືອງ ຕີງບໍ່ສະດວກ ການເພີ່ມຄວາມຊຸ່ມຊື່ນໃຫ້ກັບຊີ້ນເຍື່ອບໍລິເວນຂໍ້ຕໍ່ເຮັດໄດ້ງ່າຍໆ ພຽງດື່ມນ້ຳໃຫ້ຫຼາຍຂຶ້ນ ອາການອັກເສບ ຫຼື ບວມປວດກໍຈະນ້ອຍລົງ

7. ກະເພາະຍ່ຽວອັກເສບ
ຈາກປະສົບການສ່ວນຕົວ ນອກຈາກການເຮັດວຽກງານທີ່ຣີບເລັ່ງ ທີ່ເຮັດໃຫ້ເຮົາດື່ມນ້ຳໜ່ອຍ ແລະຕ້ອງອົດຍ່ຽວເປັນເວລາດົນ ເຮັດໃຫ້ມີໂອກາດເປັນພະຍາດກະເພາະຍ່ຽວອັກເສບໄດ້ຫຼາຍຂຶ້ນ ເພາະສະນັ້ນ ຖ້າຫາກເຈົ້າດື່ມນ້ຳໃຫ້ຫຼາຍຂຶ້ນ ແລະລຸກໄປເຂົ້າຫ້ອງນ້ຳທັນທີທີ່ປວດຍ່ຽວ ກໍຈະບໍ່ເປັນພະຍາດນີ້ ທັງນີ້ບໍ່ໄດ້ໝາຍຄວາມວ່າ ນ້ຳລ້າເປັນຍາວິເສດທີ່ດື່ມປຸ໊ບ ອາການຂອງພະຍາດຕ່າງໆຈະຫາຍປັ໊ບ ນ້ຳເປັນພຽງຕົວຊ່ອຍປ້ອງກັນການເກີດພະຍາດ ຫຼື ຊ່ວຍບັນເທົາໃຫ້ອາການຂອງພະຍາດເຫຼົ່ານັ້ນຫຼູດໜ່ອຍລົງ ຖ້າເປັນພະຍາດຫຍັງຄວນປຶກສາກັບແພດຜູ້ຊ່ຽວຊານ ເພື່ອຮັບການຮັກສາຢ່າງຖືກຕ້ອງຈະດີກວ່າເດີ້

ຂໍຂອບໃຈ
Sanook Muan

ນອນຫຼັບງ່າຍໆ ພຽງແຕ່ປັບປ່ຽນພຶດຕິກຳການກິນ 9 ຂໍ້

ນອນຫຼັບງ່າຍໆ ພຽງແຕ່ປັບປ່ຽນພຶດຕິກຳການກິນ 9 ຂໍ້...ນີ້ເດີ້  ຈຣາາາ

ເຖິງວ່າຄົນສ່ວນໃຫຍ່ຈະຮູ້ກັນດີວ່າ ຄວນນອນຫຼັບໃຫ້ເຕັມອິ່ມປະມານ 7-8 ຊັ່ວໂມງ ເພື່ອໃຫ້ຮ່າງກາຍໄດ້ພັກຜ່ອນ ແລະ ສ້ອມແຊມເຊວຕ່າງໆ ທີ່ເສື່ອມໂຊມ ຮວມເຖິງປັບສົມດຸນຮໍໂມນຕ່າງໆ ຂອງຮ່າງກາຍ ແຕ່ໃນຄວາມເປັນຈິງ ນອກຈາກຈະນອນໄດ້ບໍ່ເຕັມອິ່ມແລ້ວ ຫຼາຍຄົນຍັງປະສົບບັນຫາເລື່ອງການນອນຫຼັບອີກດ້ວຍ

ແນວໃດກໍຕາມ ການນອນຫຼັບໃຫ້ສະໜິດບໍ່ແມນເລື່ອງຍາກຈົນເກີນໄປ ຫາກເລືອກກິນອາຫານໃຫ້ຖືກປະເພດ ໂດຍດອກເຕີ ມາຣິລີນ ເກຼນວິນ ນັກໂພດຊະນາການ ແລະ ຜູ້ຂຽນໜັງສືກ່ຽວກັບການແກ້ບັນຫາສະໝອງເສື່ອມ ແລະ ອັນໄຊເມີໂດຍວິທີທຳມະຊາດ "Natural Solutions for Dementia and Alzheimer" ເຜີຍວ່າ ການບໍລິໂພກອາຫານສົ່ງຜົນຫຼາຍຕໍ່ການຊ່ອຍໃຫ້ນອນຫຼັບໄດ້ງ່າຍຂຶ້ນ ດັ່ງນັ້ນ ຫາກປັບປ່ຽນການບໍລິໂພກໃຫ້ຖືກຕ້ອງ ກໍຈະຊ່ອຍໃຫ້ນອນຫຼັບໄດ້ງ່າຍຂຶ້ນ

1.ຄວບຄຸມການບໍລິໂພກຄາເຟອີນ
ຄວນຫຼີກເວັ້ນອາຫານ ແລະ ເຄື່ອງດື່ມທີ່ມີຄາເຟອີນກ່ອນເຂົ້ານອນ ທັງຊາ, ກາເຟ, ນ້ຳອັດລົມ ແລະ ຊ້ອກໂກແລດ ເພາະຈະເຮັດໃຫ້ຮ່າງກາຍຕື່ນຕົວຈົນຫຼັບໄດ້ຍາກ

2.ກິນໃນໜາກອຶ
ໃນໜາກອຶອຸດົມໄປດ້ວຍແມັກນີຊຽມ ເຊິ່ງຈະຊ່ອຍໃຫ້ກ້າມຊີ້ນຜ່ອນຄາຍ ແລະ ຊ່ອຍບັນເທົາອາການເຈັບປວດຕ່າງໆໄດ້ ນອກຈາກນີ້ ຍັງເຊື່ອກັນວ່າແມັກນີຊຽມມີບົດບາດຕໍ່ການເຮັດວຽກງານຂອງຕ່ອມເໜືອສະໝອງ (Pineal gland) ເຊິ່ງເຮັດໜ້າທີ່ຜະລິດຮໍໂມນ "ເມລາໂທນິນ" ທີ່ຊ່ອຍໃນການນອນຫຼັບອີກດ້ວຍ

3.ດື່ມນ້ຳໝາກພ້າວ
ນ້ຳໝາກພ້າວຊ່ອຍບັນເທົາອາການເຈັບປວດຕ່າງໆ ເຊັ່ນ ຕະຄິວ ທີ່ມັກເກີດຂຶ້ນຕອນນອນ ເພາະເປັນແຫຼ່ງຮວມແຮ່ທາດຕ່າງໆ ເຊັ່ນ ໂປແຕັດຊຽມ, ແຄນຊຽມ, ແມັກນີຊຽມ, ຟອສຟໍຣັດ, ແລະ ໂຊດຽມ

4.ກິນອາຫານທີ່ມີເຊໂຣໂທນິນ
ອາຫານບາງປະເພດມີກົດອະມິໂນທີ່ຮຽກວ່າ ທຣິບໂຕແຟນ ເຊິ່ງເຮັດວຽກຄ້າຍກັບຮໍໂມນແຫ່ງຄວາມສຸກ "ເຊໂຣໂທນິນ" ທີ່ຊ່ອຍຄວບຄຸມເຮື່ອງອາລົມ ຫາກຮ່າງກາຍມີລະດັບເຊໂຣໂທນິນທີ່ສົມດຸນ ກໍຈະຊ່ອຍໃຫ້ນອນຫຼັບໄດ້ສະບາຍຫຼາຍຂຶ້ນ

5.ກິນອາຫານທີ່ມີໂປຣຕີນ
ໂປຣຕີນຊ່ອຍຮັກສາລະດັບນ້ຳຕານໃນເລືອດ ທີ່ມັກຈະເພີ່ມສູງຂຶ້ນເວລາທີ່ເຮົາກິນແປ້ງ ແລະນ້ຳຕານເຂົ້າໄປ ເຊິ່ງຫາກລະດັບນ້ຳຕານໃນເລືອດສູງເກີນໄປຈະເຮັດໃຫ້ນອນຫຼັບຍາກຂຶ້ນ ຈຶ່ງຄວນບໍລິໂພກໂປຣຕີນໃຫ້ສົມດຸນກັບທາດແປ້ງ ແລະ ນ້ຳຕານ ເພື່ອຮັກສາລະດັບນ້ຳຕານໃນເລືອດໃຫ້ສົມດຸນ

6.ກິນເຊີຣີ
ຖ້າຢາກກິນຂອງຫວານຫຼັງອາຫານແລງ ຄວນຈະເລືອກເຊີຣີ ເພາະເປັນໝາກໄມ້ທີ່ມີລະດັບຂອງເມລາໂທນິນ ເຊິ່ງຊ່ອຍໃຫ້ຮູ້ສຶກຢາກນອນ ແລະ ນອນຫຼັບງ່າຍຂຶ້ນອີກດ້ວຍ

7.ຢ່າດື່ມເຄື່ອງດື່ມທີ່ມີທາດເຫຼົ້າກ່ອນນອນ
ການດື່ມເຄື່ອງດື່ມທີ່ມີທາດເຫຼົ້າກ່ອນນອນ ເຖິງວ່າອາດເຮັດໃຫ້ຮູ້ສຶກງ່ວງນອນໄດ້ ແຕ່ທາດເຫຼົ້າຈະເປັນຕົວຂັດຂວາງການປ່ອຍຮໍໂມນທຣິບໂຕແຟນຈາກສະໝອງ ຈຶ່ງເຮັດໃຫ້ຮູ້ສຶກຄືວ່າຮ່າງກາຍບໍ່ໄດ້ພັກຜ່ອນຕະຫຼອດທັງຄືນ

8.ກິນນ້ອຍໆ ແຕ່ຫຼາຍຄາບ
ການກິນອາຫານໃນປະລິມານນ້ອຍໆ ແຕ່ໃຫ້ເລື້ອຍຂຶ້ນ ນອກຈາກຈະດີຕໍ່ການຄວບຄຸມນ້ຳຫນັກຕົວແລ້ວ ກໍຍັງຊ່ອຍຖືຮັກສາລະດັບນ້ຳຕານໃນເລືອດໃຫ້ຄົງທີ່ອີກດ້ວຍ ເພາະຫາກລະດັບນ້ຳຕານໃນເລືອດບໍ່ຄົງທີ່ກໍຈະສົ່ງຜົນໃຫ້ຫຼັບຍາກຂຶ້ນ

9.ກິນຂອງວ່າງໜ້ອຍໜຶ່ງກ່ອນນອນ
ຫາກຕ້ອງຕື່ນຫຼາຍກາງເດິກ ເພາະນອນບໍ່ຫຼັບ ອາດເປັນເພາະລະດັບນ້ຳຕານໃນເລືອດຫຼູດຕ່ຳກວ່າປົກກະຕິ ເຊິ່ງການກິນຂອງວ່າງໜ້ອຍໜຶ່ງກ່ອນນອນ ຈະຊ່ອຍຮັກສາລະດັບນ້ຳຕານໃນເລືອດໄດ້ ໂດຍໃຫ້ເລືອກກິນຂອງວ່າງທີ່ມີແປ້ງ ແລະ ນ້ຳຕານ ຈຳພວກທັນຍາພືດໜ້ອຍໜຶ່ງກ່ອນນອນ ເພື່ອຊ່ອຍເພີ່ມລະດັບນ້ຳຕານໃນເລືອດ

ຂໍຂອບໃຈ
Sanook Muan

ພຶດຕິກຳສ່ຽງເປັນພະຍາດ ເບົາຫວານ-ຄວາມດັນ-ໄຕວາຍ ພ້ອມກັນ

ພຶດຕິກຳສ່ຽງເປັນພະຍາດ ເບົາຫວານ-ຄວາມດັນ-ໄຕວາຍ ພ້ອມກັນເລີຍ...ຈຣາາາ

3 ພະຍາດມາແຮງຂອງຄົນໃນເມືອງ ໂດຍສະເພາະໄວອາຍຸເຮັດວຽກທີ່ຫຼາຍຄົນໜ້າຈະຮູ້ຈັກກັນດີແມ່ນ ພະຍາດເບົາຫວານ ຄວາມດັນເລືອດສູງ ແລະ ພະຍາດໄຕວາຍ ເຊິ່ງທັງ 3 ນີ້ເຖິງວ່າຈະມີປັດໄຈມາຈາກກຳມະພັນສ່ວນໜຶ່ງ ແຕ່ແທ້ໆແລ້ວສາເຫດຫຼັກໆ ທີ່ເຮັດໃຫ້ຮ່າງກາຍເປັນພະຍາດເຫຼົ່ານີ້ໃນສະໄໝນີ້ມັກມາຈາກພຶຕິກຳໃນການກິນ ແລະ ການໃຊ້ຊີວິດທີ່ທຳລາຍໂຕເອງຢູ່ຕະຫຼອດເວລາເປັນປະຈຳມື້ລະນ້ອຍ ຢ່າງບໍທັນຮູ້ສຶກໂຕ

ຮ້າຍແຮງໄປກວ່ານັ້ນ ແທນທີ່ຄົນໆໜຶ່ງຈະເປັນພຽງພະຍາດດຽວ ແຕ່ດຽວນີ້ມີແນວໂນ້ມວ່າຜູ້ປ່ວຍ 1 ຄົນ ຈະມີພະຍາດປະຈຳໂຕຫຼາຍກວ່າ 1 ພະຍາດ ໂດຍສະເພາະ 3 ພະຍາດ ທີ່ກ່າວໄປຂ້າງເທິງທີ່ມັກຈະມາພ້ອມກັນ ຫຼື ຄ່ອຍໆເພີ່ມເຂົ້າມາເທື່ອລະພະຍາດ ຖ້າເຮົາບໍເບິ່ງແຍງໂຕເອງໃຫ້ດີຂຶ້ນຍັງໃຊ້ຊີວິດຢູ່ແບບເດີມ ຫຼື ບໍເຂົ້າຮັບການຮັກສາກັບແພດຢ່າງຖຶກວິທີີ

ພຶດຕິກຳສ່ຽງພະຍາດເບົາຫວານ ຄວາມດັນເລືອດສູງ ແລະ ພະຍາດໄຕ

      • ກິນອາຫານລົດຊາດເຄັມຫຼາຍ, ຫວານຫຼາຍ, ສົມຫຼາຍ ແລະ ເຜັດຫຼາຍ
      • ຄວາມເຄັ່ງຕຶງສະສົມໃຊ້ຊີວິດຟ້າວຟັ່ງຕະຫຼອດ
      • ກິນອາຫານທີ່ມີຄຸນຄ່າທາງໂຄສະນາການຕ່ຳ ເຊັ່ນ ອາຫານກະປ໋ອງ ແລະ ອາຫານສຳເລັດ
        ຮູບອື່ນໆ ເປັນຕ້ນ
      • ພັກຜ່ອນບໍ່ພຽງພໍ

ຊີວິດດີເລີ່ມຕົ້ນຈາກການປັບປ່ຽນພຶດຕິກຳການກິນ

ຖິ້ມຄວາມຢາກ ຄວາມແຊບທີ່ຕາມໃຈປາກອອກໄປແລ້ວມາກິນອາຫານຕາມນີ້ເບິ່ງ ຮັບຮອງວ່າທ່ານຈະສັງເກດເຫັນການປ່ຽນແປງໃນຮ່າງກາຍຂອງທ່ານໄດ້ຢ່າງໄວແນ່ນອນ

1. ໃນໜຶ່ງມື້ໃຫ້ໄດ້ເຄິ່ງໜຶ່ງເປັນຜັກ ຫຼື ຫມາກໄມ້ສົດ ອີກເຄິ່ງໜຶ່ງເປັນໂປຕີນ ໄຂມັນຕ່ຳແຕ່ຫຼູດທາດແປ້ງ ເຊັ່ນ ຕຳສົ້ມ (ລົດຊາດບໍ່ແຮງ) ກິນກັບໄຂ່ ແລະ ຕົ້ມຈືດໝາກຣະ

2. ໂປຣຕີນທີ່ກິນມາຈາກກຳມະວິທີຕົ້ມ ແລະ ໜຶ້ງ ບໍ່ໃຊ້ວິທີຜັດ ຫຼື ທອດ ເຊັ່ນ ໄກ່ໜຶ່ງ ແລະ ປາໜຶ່ງ ເປັນຕົ້ນ

3. ຖ້າຢາກກິນອາຫານປະເພດ ຂົ້ວ ແບບໄວໆສາມາດໃຊ້ນ້ຳມັນໝາກກອກ (ທີ່ບໍ່ແມນແບບ Extra Virgin ທີ່ທົນຄວາມຮ້ອນບໍ່ໄດ້) ຫຼື ອາດຈະຜັດກັບນ້ຳເພື່ອເຮັດໃຫ້ສຸກໂດຍບໍ່ຕ້ອງໃຊ້ນ້ຳມັນ

4. ຢ່າເຜີກິນໂປຕີນຫຼາຍເກີນໄປ (ຈົນຫຼາຍກວ່າຜັກ, ໝາກໄມ້ ຫຼື ກິນແຕ່ໂປຕີນຢ່າງດຽວ) ເພາະເປັນການເພີ່ມຄວາມສ່ຽງໃຫ້ໝາກໄຂ່ຫຼັງເສື່ອມລົງໄດ້ເຊັ່ນກັນ ມື້ຫນຶ່ງໆ ສຳລັບໄວໜຸ່ມໃຊ້ພະລັງງານຫຼາຍ ຄວນກິນໂປຣຕີນບໍ່ເກີນ 500 ກຼາມ ຫຼື ເຄິ່ງກິໂລກຼາມ ທັງໝົດລວມເຖິງຊີ້ນສົດ, ໄຂ່, ຖົ່ວ, ເຫັດ ແລະອື່ນໆ ທີ່ມີໂປຣຕີນເປັນສ່ວນປະກອບສຳຄັນຖ້າມື້ໃດໃຊ້ພະລັງງານນ້ອຍ ຫຼື ເປັນຜູ້ສູງອາຍຸຸຄວນເລືອກການກິນໂປຣຕີນນ້ອຍລົງໄປອີກເພາະໃຫ້ໄປເນັ້ນທີ່ຜັກ ແລະໝາກໄມ້ແທນຈະດີກວ່າ

5. ຫລູດແປ້ງ ແລະນ້ຳຕານທີ່ມາຈາກອາຫານຄາວ ແລະອາຫານຫວານ

6. ເລືອກກິນຜັກ ແລະໝາກໄມ້ຢ່າງຫຼາກຫຼາຍປ່ຽນໄປເລື້ອຍໆ ບໍ່ຄວນກິນຜັກໝາກໄມ້ແບບເກົ່າຊ້ຳໆ ເພື່ອໃຫ້ໄດ້ຄຸນຄ່າທາງສານອາຫານທີ່ຫຼາກຫຼາຍຍິ່ງຂຶ້ນ

7. ຍັງມີຄວາມຈຳເປັນທີ່ຈະຕ້ອງກິນອາຫານໃຫ້ຄົບ 5 ໝູ່ຢູ່ ແຕ່ຫຼູດ ຫຼື ຈຳກັດອາຫານປະເພດແປ້ງ, ນ້ຳຕານ, ໄຂມັນ(ບໍ່ດີ) ເທົ່ານັ້ນ (ໃນກໍລະນີທີ່ຍັງບໍ່ເປັນພະຍາດຫຍັງ)

5 ອາຫານບຳລຸງສະໝອງ ກິນຫຼາຍໆເສີມສ້າງຄວາມຈຳ

5 ອາຫານບຳລຸງສະໝອງ ເພີ່ມປະສິດທິພາບເສີມສ້າງຄວາມຈຳ

1.ໄຂ່
ໃນທຸກຄົວເຮືອນຄວນມີໄຂ່ຕິດໄວ້ສະເໝີ ເນື່ອງຈາກຫາຊື້ອໄດ້ງ່າຍ ແລະ ສາມາດເຮັດອາຫານໄດ້ຫຼາກຫຼາຍເມນູ ຖ້າບໍ່ຮູ້ຈະກິນຫຍັງ ໄຂ່ ມັກຈະເປັນສິ່ງທຳອິດທີ່ຄິດເຖິງສະເໝີ ຄິດຍ່າງນີ້ໄດ້ກໍດີແລ້ວເດີ້ ເພາະໃນໄຂ່ມີສານຕົວໜຶ່ງ ຊື່ອວ່າ  "ໂຄລິນ" ເຊິ່ງຊ່ອຍໃນການພັດທະນາລະບົບການເຮັດວຽກງານຂອງສະໝອງ ດັ່ງນັ້ນ ຢ່າລືມກິນໄຂ່ກັນແດ່ເດີ້ ມື້ລະ 2 ໜ່ວຍກຳລັງດີເລີຍ ແຕ່ໃຜທີ່ມີບັນຫາເລື່ອງ ຄໍເລດເຕີຣອນ ອາດຈະຕ້ອງຫຼູດໄຂ່ແດງແດ່ເດີ້

2.ປາ
"ກິນປາຫຼາຍໆ ຈະໄດ້ສະຫຼາດ" ຄຳນີ້ທີ່ເຮົາໄດ້ຍິນກັນມາຕັ້ງແຕ່ນ້ອຍ ບອກເລີຍວ່າ ມັນຄືເລື່ອງຈິງ ເຮົາຄວນກິນປາທະເລນ້ຳເລິກ ເຊັ່ນ ປາແຊມອນ, ປາທູນ້າ, ປາທູ, ຢ່າງໜ້ອຍອາທິດລະ 2-3 ເທື່ອ ເພາະໃນປາທະເລນ້ຳເລິກມີກົດໄຂມັນ ແລະ ໂອເມກ້າ 3 ເຊິ່ງຊ່ອຍບຳລຸງເຊວສະໝອງ ແລະ ເສີມສ້າງເປືອກເຊວປະສາດໃນສະໝອງຂອງເຮົາໃຫ້ແຂງແຮງ ປາມີຫຼາກຫຼາຍຊະນິດ ຢ່າກິນແຕ່ຊະນິດດຽວເດີ້ ຈະໄດ້ປ້ອງກັນສານພິດທີ່ອາດຢູ່ໃນເນື້ອປາໄດ້

3.ຖົ່ວ
ຖົ່ວ ອາຫານວ່າງສຸດມັກຂອງຫຼາຍຄົນ ເຊັ່ນ ອັນມອນ, ຮາເຊວນັດ ຫຼື ຈະເປັນຖົ່ວດິນທີ່ເຮົາຄຸ້ນເຄີຍກັນດີ ໃຜທີ່ບໍ່ມັກກິນລອງຫັນມາກິນເບິ່ງເດີ້ ເພາະໃນຖົ່ວມີໄຂມັນດີ ໂປຕີນຫຼາຍ ໄຟເບີສູງ ແຖມຍັງມີວິຕາມິນອີເຊິ່ງຊ່ອຍໃນເລື່ອງຂະບວນການຄິດ, ຄວາມຈຳ ແລະ ວິຕາມິນບີ 1 ທີ່ຊ່ອຍບຳລຸງສະໝອງ ເຮັດໃຫ້ສະໝອງຂອງເຮົາແຂງແຮງ ຮູ້ແບບນີ້ ບໍ່ລອງບໍ່ໄດ້ແລ້ວເດີ້

4.ໝາກໄມ້ຕະກູນເບີຣີ
ການກິນໝາກໄມ້ຕະກູນເບີຣີ ບໍ່ວ່າຈະເປັນ ສະຕໍເບີຣີ, ບລູເບີຣີ ແລະ ເຊີຣີ ນອກຈາກຈະເຮັດໃຫ້ເຮົາສົດຊື່ນແລ້ວ ຍັງຊ່ອຍເສີມສ້າງສຸຂະພາບສະໝອງຂອງເຮົາໃຫ້ມີລະດັບໄອຄິວ ແລະ ຂະບວນການຄິດດີຂຶ້ນພ້ອມທັງຊ່ອຍໃຫ້ລະບົບໝູນວຽນເລືອດໄປລ້ຽງສະໝອງໄດ້ດີ ແລະ ປັບຄວາມດັນເລືອດໃຫ້ສົມດຸນ ເອົາມາກິນເປັນອາຫານວ່າງລະຫວ່າງມື້ກໍດີເດີ້

5.ຊ້ອກໂກແລດ
ພຽງເວົ້າຊື່ກໍຢາກກິນແລ້ວເດ້ ໃຜຈະຮູ້ວ່າໃນຊ້ອກໂກແລດທີ່ເຮົາກິນກັນຢູ່ເລື້ອຍໆ ນອກຈາກເລື່ອງຄວາມແຊບແລ້ວ ຍັງມີສານຕ້ານອະນຸມູນອິດສະຫຼະ ເຮັດໃຫ້ລະບົບໝູນວຽນເລືອດດີຂຶ້ນ ແຖມຍັງຊ່ອຍເພີ່ມປະສິດທິພາບຂອງສະໝອງໃຫ້ເຮັດວຽກດີຂຶ້ນອີກ ຮູ້ແລ້ວຢາກອອກໄປຊື້ເລີຍ ແຕ່ກໍຢ່າກິນຫຼາຍເກີນໄປ ກິນສ່ຳພໍດີ ເພາະມີແຄລໍຣີສູງຄືກັນເດີ້ ດ່ຽວຈະຕຸ້ຍໄດ້ ຖ້າເອົາໃຫ້ດີເລືອກຊ້ອກໂກແລດທີ່ມີປະລິມານນ້ຳຕານຕໍ່ກຳຈະດີຍິ່ງຂຶ້ນ

ອາຫານເຫຼົ່ານີ້ຫາໄດ້ບໍ່ຍາກເລີຍ ສະໝອງຂອງເຮົາຖ້າເຮົາບໍ່ເບິ່ງແຍງກໍບໍ່ມີໃຜຊ່ອຍໄດ້ ສຳລັບຄົນທີ່ມັກຄຶດຫຼາຍ ສະໝອງກໍຍິ່ງເຮັດວຽກໜັກຂຶ້ນໄປອີກ ດັ່ງນັ້ນ ເພື່ອສະໝອງທີ່ດີ ແລະ ເຮັດວຽກໄດ້ຢ່າງເຕັມປະສິດທິພາບ ຫັນມາກິນອາຫານບຳລຸງສະໝອງ ແລະເບິ່ງໂລກໃນແງ່ດີກັນດີກວ່າ


ຂໍຂອບໃຈ
Muan Sanook

5 ສັນຍານບົ່ງບອກວ່າເຈົ້ານອນໜ້ອຍ ສ່ຽງເປັນອັລໄຊເມີສູງ

5 ສັນຍານບົ່ງບອກວ່າເຈົ້ານອນໜ້ອຍ
ສ່ຽງເປັນອັລໄຊເມີເດີ້...ຈຣາາ

ເມື່ອຮ່າງກາຍໄດ້ຮັບການພັກຜ່ອນໜ້ອຍເກີນໄປ ກໍ່ຈະສົ່ງຜົນເສຍຕໍ່ສຸຂະພາບເປັນຢ່າງຫຼາຍ ໂດຍສະເພາະພາວະອາລົມທີ່ບໍ່ຄົງທີ່ ເຊິ່ງກໍ່ມັກຈະສະແດງອາການອອກມາເປັນສັນຍານບົ່ງບອກວ່າຮ່າງກາຍກຳລັງຕ້ອງການພັກຜ່ອນຫຼາຍຂຶ້ນ ວ່າແຕ່ຈະມີອາການໃດແດ່ ເຮົາໄປເບິ່ງກັນເລີຍ

1.ນ້ຳໜັກຂຶ້ນຢ່າງໄວວາ
ເນື່ອງຈາກຄວາມອ່ອນເພຍ ເມື່ອຍຈາກການນອນໜ້ອຍ ຫຼື ນອນເດິກເກີນໄປ ເຮັດໃຫ້ເກີດຄວາມຍາກຂອງຫວານຫຼາຍກວ່າປົກກະຕິ ແລະ ມັກຈະກິນຈຸກກິນຈິກ ໂດຍບໍ່ຮູ້ຕົວເລີຍ ເຊິ່ງຜົນທີ່ຕາມມາກໍ່ຄື ຕົວເລກເທິງຕາຊັ່ງວັດນ້ຳໜັກທີ່ເພີ່ມຂຶ້ນຢ່າງໄວວາ ຈົນໜ້າຕົກໃຈນັ້ນເອງ

2.ຂີ້ຫຼົງຂີ້ລືມຕະຫຼອດ
ເມື່ອນອນໜ້ອຍເກີນໄປ ສະໝອງຈະເກີດການປະມວນຜົນ ແລະ ສັ່ງການຊ້າກວ່າປົກກະຕິ ແຖມຍັງເຮັດໃຫ້ຮອຍພັບຂອງສະໝອງຫຼູດນ້ອຍລົງຈນເກີດອາການຂີຫຼົງຂີ້ລືມຕະຫຼອດ ແພດທີ່ມີຄວາມຊ່ຽວຊານກໍ່ໄດ້ກ່າວວ່າ ການນອນໜ້ອຍຕໍ່ເນື່ອງເປັນເວລາດົນ ອາດສົ່ງຜົນໃຫ້ສ່ຽງເປັນອັລໄຊເມີ ເມື່ອອາຍຸຫຼາຍຂຶ້ນໄດ້ເລີຍ ເພາະສະນັ້ນ ມານອນໃຫ້ຫຼາຍຂຶ້ນກັນດີກວ່າ

3.ອາລົມແປປວນ ຫງຸດຫງິດງ່າຍ
ຜູ້ທີ່ນອນໜ້ອຍມັກຈະມີພາວະອາລົມທີ່ແປປວນ ເຮັດໃຫ້ຫງຸດຫງິດງ່າຍກວ່າປົກກະຕິ ເຊິ່ງກໍ່ສົ່ງຜົນຕໍ່ສະພາວະຈິດໃຈ ແລະ ການເຊື່ອມສຳພັນກັບຄົນຮອບຂ້າງເປັນຢ່າງຫຼາຍ ໂດຍສະເພາະຄູ່ຮັກ ເພາະໄດ້ມີການສຳຫຼວດພົບວ່າ ສາເຫດໜຶ່ງທີ່ເຮັດໃຫ້ຄູ່ຮັກສ່ວນໃຫຍ່ມີບັນຫາຜິດຖຽງກັນ ກໍ່ຄືການໃຊ້ອາລົມທີ່ຂາດສະຕິເຊິ່ງສືບເນື່ອງມາຈາກການນອນໜ້ອຍນັ້ນເອງ ດັ່ງນັ້ນ ຫາກຮູ້ສຶກວ່າ ອາລົມບໍ່ຄງທີ່ ແລະຫງຸດຫງິດໄປກັບທຸກເລື່ອງບໍ່ວ່າຫຍັງກໍ່ຕາມ ແນະນຳໃຫ້ປັບປ່ຽນພຶດຕິກຳການນອນໂດຍດ່ວນ

4.ອ່ອນເພຍຕະຫຼອດເວລາ
ສຳຜັດໄດ້ວ່າຮ່າງກາຍອ່ອນເພຍຕະຫຼອດເວລາ ຂາດຄວາມສົດຊື່ນ ແລະບໍ່ຄ່ອຍມີຄວາມກະຕືລືລົ້ນໃນການເຮັດວຽກຫຼາຍ ສ່ວນໃຫຍ່ຈະເກີດກັບຄົນທີ່ນອນໜ້ອຍຕິດຕໍ່ກັນເປັນເວລາດົນ ເຮັດໃຫ້ຮ່າງກາຍເກີດການປະທ້ວງເພາະຕ້ອງການພັກຜ່ອນຢ່າງເຕັມທີ່ ດັ່ງນັ້ນ ຄວນນອນໃຫ້ຫຼາຍຂຶ້ນ ແລະ ນອນໃຫ້ພຽງພໍຕໍ່ຄວາມຕ້ອງການຂອງຮ່າງກາຍໂດຍດ່ວນ ບໍ່ເຊັ່ນນັ້ນອາດສົ່ງຜົນເສຍຕໍ່ສຸຂະພາບ ແລະ ເກີດຜົນກະທົບຕໍ່ການເຮັດວຽກຫຼາຍເລີຍ

5.ປ່ວຍດຸກວ່າປົກກະຕິ
ເມື່ອຮ່າງກາຍໄດ້ຮັບການພັກຜ່ອນບໍ່ພຽງພໍ ຈະເຮັດໃຫ້ພູມຄຸ້ມກັນຫຼູດຕ່ຳລົງຢ່າງເຫັນໄດ້ຊັດເຈນ ເປັນຜົນໃຫ້ເກີດອາການປ່ວຍ ບໍ່ສະບາຍຕະຫຼອດ ຫຼື ບາງຄົນກໍ່ອາດຈະມີອາການປວດຫົວ ເຊິ່ງນອກຈາກຈະເຮັດໃຫ້ສຸຂະພາບບໍ່ດີແລ້ວ ຍັງເຮັດໃຫ້ສິ້ນເປືອງເງີນຈາກການປິ່ນປົວອາການປ່ວຍອີກດ້ວຍ ສະນັ້ນ ມານອນໃຫ້ຫຼາຍກວ່ານີ້ກັນດີກວ່າ

ລອງກວດເບິ່ງວ່າ ເຈົ້າກຳລັງມີອາການຂອງຄົນທີ່ນອນໜ້ອຍຫຼືນອນເດິກເກິນໄປຫຼືບໍ່ ຖ້າມີຄວນຮີບປັບປ່ຽນພຶດຕິກຳການນອນໂດຍດ່ວນ ດ້ວຍການນອນຫຼັບໃຫ້ພຽງພໍຕໍ່ຄວາມຕ້ອງການຂອງຮ່າງກາຍຫຼາຍຂຶ້ນ ແລ້ວບັນຫາສຸຂະພາບຈະບໍ່ເກິດຂຶ້ນແນ່ນອນ ແຖມຍັງຊ່ອຍໃຫ້ອາລົມດີ ແລະຄາຍຄຽດໄດ້ຢ່າງດີອີກດ້ວຍ ເພາະສະນັ້ນ ຫ້າມລະເລີຍການນອນຫຼັບພັກຜ່ອນຢ່າງພຽງພໍເດັດຂາດ

ຂໍຂອບໃຈ
Sanook Muan

ແທ້ຫຼືບໍ່? "ກົດໄຫຼຍ້ອນ" ປ່ອຍໄວ້ດົນກາຍເປັນມະເຮັງໄດ້???

ແທ້ຫຼືບໍ່? "ກົດໄຫຼຍ້ອນ" ປ່ອຍໄວ້ດົນກາຍເປັນມະເຮັງໄດ້???

ພະຍາດຍອດນຶຍົມຂອງໄວເຮັດວຽກ ນອກຈາກອ້ອບຟິດຊິນໂດຣມແລ້ວ ກໍ່ໜີບໍພົ້ນພະຍາດທີ່ກ່ຽວກັບພຶດຕິກຳການກິນອາຫານ ເຊັ່ນ "ກົດໄຫຼຍ້ອນ" ທີ່ສ້າງຄວາມທໍລະມານໃຫ້ກັບທ່ານໄດ້ຫຼາຍກວ່າທີ່ທ່ານຄິດ ແຖມເປັນດົນໆຍັງສ່ຽງເປັນມະເຮັງອີກດ້ວຍແມ່ນແທ້ບໍ່? ແລ້ວພຶດຕິກຳແບບໃດ ທີ່ເຮັດໃຫ້ສ່ຽງເປັນພະຍາດກົດໄຫຼຍ້ອນ? ຕາມມາອ່ານກັນເລີຍ

ກົດໄຫຼຍ້ອນແມ່ນຫຍັງ???
ກ່ອນອື່ນຂໍອະທິບາຍເຖິງພະຍາດນີ້ໂດຍສັງເຂບກ່ອນ "ກົດໄຫຼຍ້ອນ" ຄືອາການທີ່ກ້າມຊີ້ນໃນກະເພາະອາຫານເກີດຄວາມຜິດປົກກະຕິ ບໍ່ສາມາດເປີດປິດໄດ້ແຈບດີຄືກັບທີ່ຄວນຈະເປັນ ມີລັກສະນະຍ່ອນໂຕລົງ ຈຶ່ງເຮັດໃຫ້ນ້ຳຍ່ອຍໃນກະເພາະອາຫານໄຫຼຍ້ອນອອກມາທີ່ຫຼອດອາຫານ ແລະກ່ອງສຽງຂອງເຮົາໄດ້

ກົດໄຫຼຍ້ອນມີອາການແນວໃດ???
ເອື້ອມສົ້ມ ,ປວດແສບປວດຮ້ອນກາງເອິກ ,ກິນລຳບາກ ,ເຈັບໜ້າເອິກ ,ໄອຊຳເຮື້ອ ,ກ່ອງສຽງແລະຫຼອດອາຫານອັກເສບ

ກົດໄຫຼຍ້ອນມີສາເຫດມາຈາກຫຍັງ???
ພະຍາດກົດໄຫຼຍ້ອນມີສາເຫດສຳຄັນມາຈາກພຶດຕິກຳໃນການກິນອາຫານ ການກິນອາຫານບໍ່ເປັນເວລາ, ມັກດື່ມຊາ ,ກາເຟ ,ນ້ຳອັດລົມ ,ເຄື່ອງດື່ມທີ່ມີທາດເຫຼ້າ ,ສູບຢາ ,ທານອາຫານເຜັດ ,ລົດຈັດ ,ອາຫານມັນ ອາຫານທອດ ແລະ ອາຫານຫວານ ເຊັ່ນ ຈຳພວກເຂົ້າໜົມອົບ ເຄັກ ຊ້ອກໂກແລ້ດ ຫລາຍເກິນໄປ

ນອກຈາກນີ້ ການກິນອາຫານໃນເວລາດຶກເກິນໄປ ແລ້ວເຂົ້ານອນເລີຍ ບໍ່ລໍຖ້າໃຫ້ຍ່ອຍກ່ອນ ກໍເປັນສາເຫດຂອງພະຍາດກົດໄຫຼຍ້ອນໄດ້ເຊັ່ນກັນ

ກົດໄຫຼຍ້ອນສ່ຽງມະເຮັງແທ້ບໍ່???
ການປ່ອຍໃຫ້ເກີດອາການອັກເສບຂຶ້ນ ໃນບາດແຜທີ່ເກິດຈາກການກັດຂອງນ້ຳຍ່ອຍໃນກະເພາະອາຫານ ທີ່ຫຼູດອອກມາທຳຮ້າຍບໍລິເວນກ່ອງສຽງ ແລະຫຼອດອາຫານໄປດົນໆ ອາດເຮັດໃຫ້ເຊວເຍື່ອຫຸ້ມຜິວບໍລິເວນນັ້ນກາຍເປັນເຊວມະເຮັງໃນພາຍຫຼັງໄດ້ ແຕ່ກໍມີໂອກາດບໍ່ເທົ່າໃດ ເກືອບ 1-6% ເທົ່ານັ້ນ ແຕ່ເຖິງຍ່າງນັ້ນ ບາດແຜຈາກນ້ຳຍ່ອຍຂອງກະເພາະອາຫານກໍເຮັດໃຫ້ເກີດຄວາມທໍລະມານກັບຜູ້ປ່ວຍເປັນໄລຍະເວລາດົນຄືກັນ

ກົດໄຫຼຍ້ອນປ້ອງກັນໄດ້ແນວໃດ???
ພຽງກິນອາຫານໃຫ້ກົງເວລາ ຄວບຄຸມອາຫານປະເພດລົດຈັດ ,ສົ້ມ ,ເຜັດ ລວມເຖິງອາຫານພວກຊາ ,ກາເຟ ,ນ້ຳອັດລົມ (ເຄື່ອງດື່ມທີ່ມີຄາເຟອີນ ເປັນສາເຫດເຮັດໃຫ້ກ້າມຊີ້ນທີ່ກະເພາະອາຫານຍ່ອນໂຕ) ,ຂອງທອດ ,ຂອງມັນ ,ເຄື່ອງດື່ມທີ່ມີທາດເຫຼ້າ ,ເຂົ້າໜົມອົບ ເຊັ່ນ ເຄັກ ,ຊ້ອກໂກແລ້ດ ແລະງົດສູບຢາ ກິນອາຫານກ່ອນເຖິງເວລານອນ 3-4 ຊັ່ວໂມງ (ເພື່ອລໍຖ້າໃຫ້ອາຫານຍ່ອຍກ່ອນ) ,ເລືອກກິນອາຫານປະເພດຕົ້ມ ,ລົດບໍຈັດ ບໍ່ດື່ມເຄື່ອງທີ່ມີຄາເຟອີນຫຼາຍກວ່າ 1 ຈອກຕໍ່ວັນ ແລະບໍ່ກິນອາຫານຫຼາຍຈົນເກີນໄປຈົນທໍລະມານທ້ອງ ເທົ່ານີ້ກໍຊ່ອຍໃຫ້ເຮາຫ່າງໄກຈາກພະຍາດກົດໄຫຼຍ້ອນໄດ້ງ່າຍໆແລ້ວລະ...ຈຣາາາ

ຂໍຂອບໃຈ

Muan sanook

ຮູ້ຫຼືບໍ່ ເຮັດຈັງຊີ່ ເຊວມະເຮັງມັກຫຼາຍໆ

ຮູ້ຫຼືບໍ່ ເຮັດຈັງຊີ່ ເຊວມະເຮັງມັກຫລ້າຍ ມັກຫລາຍເດີ້...ຈຮາາາ

ຢາກຮູ້ບໍ່ມະເຮັງມັກຫຍັງ ໃຜທີ່ບໍ່ຢາກເປັນມະເຮັ້ງ ມະເຮັງ ເບິ່ງທາງນີ້ເລີຍຈ້າ ມີສານອາຫານທີ່ເຊວມະເຮັງມັກຫລ້າຍ ມັກຫລາຍມາເວົ້າສູ່ຟັງ

1 ນ້ຳຕານ ເຊັ່ນ ນ້ຳຕານຊາຍຂາວ ໂດຍໃຊ້ນ້ຳຕານຈາກທຳມະຊາດແທນ ເຊັ່ນ ນ້ຳຜຶ້ງ ແຕ່ຕ້ອງໃຊ້ໃນປະລິມານທີ່ນ້ອຍມາກ ເກືອ ມີສານຈຳເປັນທີ່ມະເຮັງນຳໄປໃຊ້ ຄວນງົດຫຼືໃຊ້ໃນປະລິມານນ້ອຍ

2. ນົມຄວນດື່ມນ້ຳນົມຖົ່ວເຫລືອງທົດແທນ

3. ເຊວມະເຮັງ ຈະເລີນເຕີບໂຕໃນສະພາບທີ່ເປັນອາຊິດ ການບໍລິໂພກເນື້ອສັດເຮັດໃຫ້ເກີດສະພາບເປັນອາຊິດ ຄວນກິນອາຫານປະເພດປາດີກວ່າໝູ ເນື້ອ ແລະ ເນື້ອສັດມີແບກທີເລຍ ໃຊ້ຮໍໂມນໃນການຈະເລີນເຕີບໂຕປົນເປື້ອນທີ່ເປັນອັນຕະລາຍຕໍ່ຄົນໄຂ້ທີ່ເປັນມະເຮັງ

4. 80% ຂອງຜັກແລະນ້ຳຫມາກໄມ້ສົດ ຖົ່ວເມັດແຫ້ງ ທັນຍະພືດ ຊິຊ່ວຍໃຫ້ຮ່າງກາຍມີສະພາບເປັນດ່າງ 20% ຈາກອາຫານທີ່ປຸງແລ້ວ ນ້ຳຜັກແລະຫມາກໄມ້ສົດຊິໃຫ້ເອນໄຊທີ່ງ່າຍຕໍ່ການດູດຊຶມເຂົ້າສູ່ຮ່າງກາຍ ເພື່ອໄປເສີມສ້າງຄວາມແຂງແຮງໃຫ້ເຊວທີ່ດີ ດັງນັນຄວນດື່ມນ້ຳຜັກສົດ ແລະກິນຜັກດິບ 2-3 ເທືອຕໍ່ມື້

5. ຫລີກລ່ຽງຊາ ກາເຟ ຊອກໂກເລັດ ທີ່ມີຄາເຟອີນທີ່ສູງ ເປັນດື່ມຊາຂຽວທີ່ມີສານຕ້ານມະເຮັງ ດື່ມນ້ຳສະອາດຫຼືກອງນ້ຳທີ່ດີສຸດ ຫລີກລ່ຽງນ້ຳປະປາ ແລະເຄື່ອງດື່ມແອວກໍຮໍທີ່ມີສະພາບເປັນອາຊິດ

6 ເນື້ອສັດຍ່ອຍຍາກ ແລະຕ້ອງການເອນໄຊຍ່ອຍເປັນຈຳນວນມາກ ແລະເນື້ອທີ່ຍ່ອຍບໍ່ຫມົດຊິຄົງຕົກຄ້າງຢູ່ໃນລຳໄສ້ ອັນນຳໄປສູ່ສານພິດຕົກຄ້າງ

7 ເຊວມະເຮັງມີໂປຕີນທີ່ຢາກຕໍ່ການທຳລາຍເປັນເກາະປ້ອງກັນ ການບໍລິໂພກເນື້ອສັດນ້ອຍລົງຊິເຮັດໃຫ້ຮະບົບພູມຄຸ້ມກັນຂອງຮ່າງກາຍໄປທຳລາຍເຊວມະເຮັງໄດ້ງ່າຍຂຶ້ນ

8. ອາຫານເສີມບາງຢ່າງຊ່ວຍສົ່ງເສີມຄວາມແຂງແກ່ງໃຫ້ກັບລະບົບພູມຄຸ້ມກັນ ເພື່ອໄປທຳລາຍເຊວມະເຮັງ ເຊັ່ນ ວິຕາມິນອີ ວິຕາມິນຊີ

9. ເຊວມະເຮັງ ເປັນເຊື້ອພະຍາດຂອງຈິດໃຈ ຮ່າງກາຍ ແລະ ຈິດວິນຍານ ການຄວບຄຸມອາລົມແລະການມອງໂລກໃນແງ່ດີຈະຊ່ວຍໃຫ້ລະບົບພູມຄຸ້ມກັນດີຂຶ້ນ ອາລົມຂີ້ຫ້າຍຫຼືຄວາມຄຽດຊິສ້າງສະພາບຄວາມເປັນອາຊິດໃຫ້ຮ່າງກາຍ ຄວນຮຽວຣູ້ທີ່ຊິຮັກແລະໃຫ້ອະໄພ ພັກຜ່ອນແລະມ່ວນນຳການໃຊ້ຊີວິດ

10 ເຊວມະເຮັງບໍ່ສາມາດຈະເລີນເຕີບໂຕໃນບ່ອນທີ່ມີອອກຊິເຈນ ການອອກກຳລັງກາຍທຸກມື້ ແລະຫາຍໃຈເຂົ້າລືກໆຊິຊ່ວຍເພີ່ມລະດັບອອກຊິເຈນໃນເຊວ ການບຳບັດດ້ວຍອອກຊິເຈນກໍເປັນທາງເລືອກທີ່ຊິທຳລາຍເຊວມະເຮັງ

ຖ້າຮູ້ຈັງຊີ່ແລ້ວບໍ່ຢາກຊິເປັນມະເຮັງ ຫັນມາຮັກສາສຸຂະພາບກັນດີກວ່າເດີ້... ຈຮາາາ